အပ်ငွေအာမခံ – မြန်မာ့အာမခံ

ပြည်သူလူထုအနေဖြင့် ပုဂ္ဂလိကဘဏ်များတွင် အပ်ငွေများဆုံးရှုံးမှုမရှိစေရန်နှင့် ဘဏ်များအပေါ် အများပြည်သူ၏ယုံကြည်မှု တိုးတက်၍ ဘဏ်အပ်ငွေများပြားကာ ဘဏ်များ၏ငွေထုတ် ချေးနိုင်စွမ်း မြင့်တက်ပြီး ဘဏ်၏ဝင်ငွေတိုးတက်စေရန် ရည်ရွယ်၍ အပ်ငွေအာမခံလုပ်ငန်းကို ၁.၁၀.၂၀၁၁ မှစ၍ လက်ခံဆောင်ရွက်ခဲ့ခြင်းဖြစ်ပါသည်။ အပ်ငွေစာရင်းရှင်တစ်ဉီးလျှင် ကျပ် ၁ သိန်းမှ ၁၀ သိန်းအထိ ရှိသူများအတွက် ဘဏ်မှအာမခံထားပေးခြင်းဖြစ်ပါသည်။ ပရီမီယံနှုန်းမှာ ၀.၁၂% ဖြစ်ပါသည်။ ဘဏ်မှ လူမွဲစာရင်းအဖြစ်ခံယူချိန်တွင် အပ်ငွေအာမခံထားသူများအတွက် အာမခံထားငွေ၏ ၆၀% ကို ဘဏ်မှတစ်ဆင့်ဖြစ်စေ၊ အပ်ငွေစာရင်းရှင်သို့ တိုက်ရိုက်ဖြစ်စေ မြန်မာအာမခံလုပ်ငန်းမှ လျော်ကြေးထုတ်ပေးပါသည်။ အာမခံသက်တမ်းမှာ ၁ နှစ်ဖြစ်ပါသည်။

ရုံးချုပ်တည်ရာမှာ အမှတ်-၆၂၇/၆၃၅၊ ကုန်သည်လမ်း၊ ရန်ကုန်မြို့၊ မြန်မာနိုင်ငံဖြစ်ပြီး တစ်နိုင်ငံလုံးတွင် တိုင်း၊ ခရိုင်၊ မြို့နယ် ၃၉-ခု၌ ရုံးခွဲများ ဖွင့်လှစ်ထားရှိပါသည်။

Credit – https://www.mminsurance.gov.mm/